amalinks wokungena

Breaking News

Amalunga eZanu PF Avimba Ukuphenywa Kodaba lweSakunda Holdings Yiphalamende


Ikhomithi yephalamende ebona ngokusetshenziswa kwemali kahulumende, iPublic Accounts Committee ngoLwesihlanu yehluleke ukuhluza udaba lwenkampani yeSakunda Holdings ngoba amalunga eZanu PF eyale ukuphatheka kuhlelo lolu esithi akasananzi umgcinisihlalo walikhomithi uMnu Tendai Biti, olilunga leMDC ngoba ibandla lakhe lisala ukunanza uEmmerson Mnangagwa njengoMongameli weZimbabwe.

Ikhomithi le ibibize iziphathamandla zeSakunda ukuthi zizeyichasisela ukuthi iUS$5 billion eyaphiwa linkampani yiReserve Bank of Zimbabwe (RBZ) ngo2017 zayisebenzisa njani lokuthi vele zayiphiwa njani libhanga elikhulu lelizwe ngaphandle kwemvumo yephalamende.

Kodwa akusenzakalanga lokhu ngoba amalunga ebandla leZanu PF ethe njengoba iMDC ingananzi uMongameli Mnangagwa, lawo akasamnanzi uBiti njengomgcinisihlalo wePublic Accounts Committee.

Okukhanya kucunule abeZanu PF laba yikuthi amalunga eMDC ayalile ukuya ephalamende izolo ngesikhathi umphathintambo wezemali esethula ibudget yomnyaka ozayo ngoba uMnangagwa ubekhona.

Kodwa ingcwethi kwezombusazwe uMnu Effie Dlela Ncube uthi amalunga eZanu PF akhanya ezama nje ukuvala imisebenzi yenkohlakalo etheswa inkampani yeSakunda, yona elobudelwano lalelibandla.

please wait

No media source currently available

0:00 0:02:13 0:00

Facebook Forum

XS
SM
MD
LG