MDC: Uhulumende weSouth Africa Kumele Angenele Kudaba lweZimbabwe

Ibandla leMDC lithi lizaqinisa imizamo yalo yokucela uhulumende wakweleSouth Africa ukuthi abe ngumlamlankunzi kudaba lweZimbabwe ukuze kulungisiswe ukudonselana okukhona phakathi kwalelibandla leleZanu PF kanye lokunye okuhluphayo elizweni

Umbiko lo ulandela amazwi kamphathintambo obona ngobudlelwano beSouth Africa lamanye amazwe uNkosikazi Naledi Pandor awokuthi ukuze umnotho weZimbabwe uvuke, kumele kulungiswe ezombusazwe kuqala ngoba kuyizo eziwuphazamisayo.

Wengeze wathi ilizwe lakhe lizimisele ukuphathisa kulokhu.

UNkosikazi Pandor wethule amazwi la ePretoria ngoMvulo emhlanganweni oqhutshwe lugatsha lwakhe ngenjongo yokuhlaziya okuhluphayo eZimbabwe.

UDr. Nkululeko Sibanda, isikhulumeli somkhokheli weMDC uMnu Nelson Chamisa utshele iStudio 7 ukuthi kuyadingeka ukuthi uhulumende kaMongameli Cyril Ramaphosa angenele kudaba lweZimbabwe.

Embed share

Ingxoxo loDr. Nkululeko Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:36 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

EleSouth Africa yilo elaba ngumlamlankunzi njalo kunkulumo ezakhokhelela ekubunjweni kukahulumende wenkazatho phakathi kweZanu PF leMDC ngo2009.