amalinks wokungena

Breaking News

'Uhulumende Udlalisa Imali Ngokupha Izitalada Amabizo Amatsha Agoqela elikaMnangagwa'


Ukuguqulwa kwamabizo emigwaqo emadolobheni okwenziwe izolo sokudale inkulumo, abanye besithi uhulumende ubemele akhulumisane lozulu azwe imibono yakhe kuqala.

Izitalada ezithile eHarare, koBulawayo, eMasvingo, eChinhoyi, eChipinge, eGweru, eKwekwe lakwamanye amadolobho ziphiwe amabizo agoqela awamaqhawe, awenkokheli yakwamanye amazwe lamagama abosaziwayo abadlala indima eqakathekileyo embalini yelizwe abafana leNdlovukazi yaMandebele, uQueen Lozikeyi Dlodlo.

Amaqhawe alamabizo asephiwe izitalada agoqela uLookout Masuku, uJohn Landa Nkomo, uNikita Mangena, uBenjamin Burombo loSydney Malunga.

Kodwa abanye bakhonona ngokuthi uhulumende utshiye phandle abantu abaqakathekileyo abafana loMnu Dumiso Dabengwa loMnu Welshman Mabhena.

Amadolobho phose wonke aselesitalada esibizwa ngegama likaMongameli Emmerson Mnangagwa, okuyinto engathakazelelwa ngabanye.

Izitalada lezi zigoqela u6th avenue wakoBulawayo loEnterprise Road eHarare.

Abanye bathi kulokuthi adlalisa imali esipha izitalada lezi amagama amatsha, uhulumende ubemele asebenzise leyomali ukulungisa imigwaqo.

Amanye amahofisi kahulumende lawo aphiwe amabizo amatsha.

Ingcwethi kwezombusazwe, uMnu Thandeko Zinti Mkandla utshele iStudio 7 ukuthi okwenziwe nguhulumende lokhu yikudlalisa imali evele ingekho.

please wait

No media source currently available

0:00 0:02:33 0:00

Facebook Forum

XS
SM
MD
LG