Uhulumende usekutshaye indiva ukukhalala umsebenzi kwabodokotela bezinga laphezulu, ama-senior doctors esithi akuguquli lutho ngoba bebevele bengayi emsebenzini nsuku zonke.
Odokotela laba bakhalale umsebenzi ngoLwesibili bekhonona ngokuxotshwa kwama-junior doctors edlula amakhulu amane esetheswa icala lokukhalala umsebenzi ngaphandle komthetho.
Umgcinisihlalo wogatsha olubona ngokuqhatshwa kwezisebenzi zempilakahle olweHealth Service Board (HSB) uMnu Paulinus Sikhosana utshele iStudio 7 ukuthi odokotela laba bazathonisiswa labo baxotshwe umsebenzi bengatholakala belecala.
Ama-senior doctors asekhalele umsebenzi la ebeselapha izigulane ezidinga uncedo oluphuthumayo, amaEmergencies.
Ukukhalala kwawo umsebenzi kutshiya umumo ezibhedlela zikahulumende ususesimeni esesabekayo nanku phela ubuvele umubi besakhona.