amalinks wokungena

Breaking News

Bajamile Odokotela Bathi Uhulumende Uyazikhohlisa Ngokuthi Babuyele Emsebenzini


Odokotela bezinga laphansi (junior doctors) abaphiwe amalanga amabili ukuthi babuyele emsebenzini ngemva kokuxotshwa nguhulumende bathi kabasoze benze lokhu ngoba uhulumende elokhe engakakhwezi iholo labo.

Odokotela abedlula amakhulu amane laba baxotshiwe besetheswa icala lokukhalala umsebenzi ngaphandle komthetho.

Kodwa ngemva kokungenela kwabezinkonzo, uhulumende usuke wababuyisela emsebenzini ngoLwesine wathi njalo kumele babe sebeqalisile ukusebenza phakathi kwamalanga amabili alandelayo.

Khepha inhlanganiso emela odokotela laba, iZimbabwe Hospital Doctors Associaton ithe amalunga ayo kasoze aphindele emsebenzini.

Odokotela bezinga laphezulu (senior doctors) labo bayaqhubeka ngokukhalala umsebenzi phezu kodaba lweholo.

Inhlanganiso ebamelayo, iZimbabwe Senior Hospital Doctors Association ilobele amapholisa iwazisa ukuthi amalunga ayo azatshengisela ezitaladeni phezu kodaba lolu eHarare ngeviki ezayo.

Omunye wabodokotela abangamalunga alihlanganiso, uMnu Ngqabutho Dube, osebenza esibhedlela seMpilo utshele iStudio 7 ukuthi imali abayiholayo incane kakhulu.

please wait

No media source currently available

0:00 0:02:18 0:00

Kasenelisanga ukukhuluma leziphthamandla zikahulumende ngaloludaba.

Facebook Forum

XS
SM
MD
LG