Ukudonselana Kwamacele eZanu PF, ele G40 lele Lacoste Sokuqalile Njalo

Mpalakazi 03, 2019

Ntungamili Nkomo

UMnu. Saviour Kasukuwere ozithi ngu Tyson Wabantu, ngomunye osephumele egcekeni ukuthi uzancintisa emele icele le G40.

WASHINGTON D.C —

Ukudonselana kwamacele ebandla leZanu PF abalisa elisekela uMongameli Emmerson Mnangagwa eleTeam Lacoste leleG40 sokuqalisile njalo.

Umgcinisihlalo walelibandla eMashonaland West uMnu Ziyambi Ziyambi, ongumphathintambo wezemithetho, uthi amalunga eG40 ahlangana ebusuku endaweni ezitshiyeneyo zelizwe eqoqa ukuphazamisa inhlelo zebandla lezikahulumende.

UZiyambi utshele iphephandaba leHerald ukuthi abazatholakala besenza lokhu bazaxotshwa kubandla.

Icele leG40 lalisekela uMnu Robert Mugabe loNkosikazi wakhe uGrace.

Abakhokheli balelicele abathi uMnu Jonathan Moyo, uMnu Savior Kasukuwere loMnu Patrick Zhuwawo babaleka elizweni ngesikhathi kususwa uMugabe embusweni bayaphephela kwamanye amazwe.

UMnu Kasukuwere utshele iphephandaba leSunday Times ngeSonto ukuthi uzancintisa kukhetho luka2023 edinga ukuba ngumholi weZimbabwe. Ilunga leZanu PF uMnu Malaki Nkomo uthi iG40 izama ukudiliza Ibandla lakhe.

Embed

Ingxoxo loMnu. Malaki Nkomo

by VOA

No media source currently available

0:00 0:02:49 0:00

Ukuhlaziya loludaba sixoxe lengcwethi kwezombusazwe uMnu Dumisani Nkomo.