amalinks wokungena

Breaking News

Umanyano weUN Uphathisa eleZimbabwe Ngokudla Kulandela Indlala Esihlasele Phose Ingxenye Yelizwe


Indlala isihlasele lenyamazana zendle.

Umanyano wamazwe omhlaba owe United Nations uthi usuqoqa ukudla okuyisilinganiso samathani ayi 240 thousand awokwabela abantu abazinkulungwane ezine lekhulu: 4,1 million abalambayo eZimbabwe ngenxa yendlala ebangelwa yisomiso sezulu kanye lokuwa komnotho welizwe.

Embikweni owethulwe izolo ntambama, inhlanganiso le ithe iyakhathazeka ngokwenzakala eZimbabwe njalo ingekela ukuletha lolusizo, isimo singaba sibi kakhulu.

Ngeviki edluleyo, umanyano lo uthe abantu abayizigidi ezinhlanu lanhlanu, 5, 5 million bayalamba emaphandleni, kukanti ingxenye yaleli inani liyalamba emadolobheni.

Lokhu kwenzakala izulu lingani okweneleyo elizweni ngalesi isikhathi esokulima njalo lezifuyo zicuba. Intengo yempahla layo iqhubeka ikhuphuka njalo inengi labantu alitholi imisebenzi.

Ukuhlaziya loludaba, uSithandekile Mhlanga weStudio 7 uxoxe lengcwethi kwezokulima, uMnu. Thandeko Zinti Mnkandla, yena othi lanxa kulinyathelo elihle elithethwe yi United Nations, mhlawumbe ukudla lokhu akusoze kwabiwe ngemfanelo ukuze kufinyelele bonke abakudingayo, kukanti lakho kuvele kuyingcosana.

please wait

No media source currently available

0:00 0:03:11 0:00


Facebook Forum

XS
SM
MD
LG