Ingcwethi kwezemithetho ezine ziphe ubufakazi edale le The House obuphathelane lohlelo lokususa uMongameli Donald Trump ngomthetho othiwa Impeachment.
Ingcwethi lezi, ezinthathu, uMnu. Noah Feldman, uNkosikazi Pamela S Karlan loMnu. Michael Gerhardt bebenxuswe ngabe bandla lama Democrats kuthi oyedwa, uMnu. Jonathan Turley obebizwa ngama Republicans.
Ingcwethi lezi ziphe ubufakazi bokuthi umthetho uthini nxa kukhangelwe injongo yabaloba isisekelo sombuso welizwe leMelika.
Ezintathu ingcwethi ezinxuswe ngama Democrats zithe mpela uTrump wephula isisekelo sombuso welizwe ngalokho kumele athathelwe amanyathelo okumsusa esihlalweni.
UTurley yena uthe ubufakazi obukhona ayisibo obungabangela ukususwa kuka Trump esihlalweni ngoba abaloba isisekelo sombuso welizwe bathi kumele abe edale icala elezinga laphezulu.
Kodwa ama Democrats athi uTrump wayefuna ukufumbathisa ilizwe le uKraine ngosizo lwezikhali olwaluvele lumele luye kulelo lizwe.
Ukuhlaziya loludaba sixoxe louMnu. Den Moyo isizalwane se Zimbabwe esihlala ngapha kweleMelika njalo eyisiphathamandla sebandla leMDC-T.
