WASHINGTON D.C —
Inengi lithi impilo ilokhu isiba lukhuni ngamandla ngesikhathi intengo yempahla ezitolo iqhubeka ikhuphuka njalo inhlanganiso ezabela abantu ukudla emhlabeni jikelele ezibalisa iWorld Vision leUnited Nations zisithi ingxenye yabantu belizweni leZimbabwe iyalamba njalo idinga usizo.
Ukubhidlika komnotho welizwe kuqondane lokusilela kwezulu okubangele isivuno esiphansi lokucuba kwezifuyo lonyaka, njalo ingcwethi kwezokulima zithi umumo ungafana ngomnyaka ozayo.
Ukuzwa okunengi ngaloludaba, uSithandekile Mhlanga weStudio 7 uxoxe loNkosikazi Patricia Tshabalala, umsekeli kamgcinisihlalo wenhlanganiso elwela amalungelo abahlali bakoBulawayo, eyeBulawayo Progressive Residents Association, njalo egcina intandane emzini wokuzinakekela.
