amalinks wokungena

Breaking News

Umndeni kaMugabe Ubizwa Emthethwandaba Phezu Kokungabi Le Will Eyatshiywa Ngumuyi


UNkosikazi Grace Mugabe emngcwabeni womkakhe, uMnu. Robert Mugabe.
UNkosikazi Grace Mugabe emngcwabeni womkakhe, uMnu. Robert Mugabe.

Abomndeni kamuyi uMnu Robert Mugabe namuhla bazahlangana lesiphathamandla sedale leHigh Court esibona ngokuchithwa kwempahla yabafi lapho abazakhetha khona ozakhokhela uhlelo lokwabiwa kwelifa likaMugabe.

Lokhu kuza ngemva kokuba imuli kamuyi iveze ukuthi uMugabe katshiyanga ugwalo olulotshiweyo oluveza ukuthi ufuna impahla yakhe yabiwe njani, i-will ngesingisi.

UMugabe ubikwa watshiya imali engangeUS$10 million ebhanga lempahla enlutshwana nje engatsho lutho.

Kodwa igqwetha lakhe uMnu Terrence Hussein uthi ozakhokhela uhlelo lokwaba impahla kaMugabe uzaqala ngokuhlela yonke impahla kamuyi adingisise lokuthi ubelezikwelede yini lokuthi bakhona yini abamkweledayo.

Impahla kaMugabe igoqela umdadada wendlu abehlala kuwo lemuli yakhe eHarare obizwa ngokuthi yiBlue Roof.

Amagqwetha athi njengoba kungela will, emthethweni indlu le lelifa lakhe lonke liya kuNkosikazi wakhe uGrace labantwabakhe.

Ekubhubheni kwakhe uMugabe, indlu le yayilokhe isebizweni lebandla leZanu PF.

Kodwa isiphathamandla sebandla leli uMnu Obert Mpofu utshele lumsakazo izolo ukuthi sebeqalisile uhlelo lokubhalisa lindlu ebizweni lemuli kaMugabe.

Ukuhlaziya loludaba sixhume ingcwethi kwezomthetho uMnu Dumisani Dube njalo oligqwetha sambuza ukuthi kuvamile na ukuthi umuntu ofana loMugabe ophile iminyaka yonke le njalo efundile waqeqetsha ezomthetho aze azibhubhele engalobanga ugwalo oluveza ukuthi ufuna ilifa kakhe labiwe njani.

please wait

No media source currently available

0:00 0:03:22 0:00



XS
SM
MD
LG