Abebandla leMDC labenhlanganiso yeHuman Rights NGO Forum sebesole uhulumende kaMongameli Emmerson Mnangagwa besithi uyaqhubeka ngokwephula amalungelo kazulu lokuhlukuluza abantu.
Insolo le iphume izolo ngesikhathi amazwe omhlaba jikelele agoqela eleZimbabwe enanza ilanga lamalungelo eleInternational Human Rights Day.
IHuman Rights NGO Forum ithi uzulu ubotshwa mahlayala eZimbabwe kanti njalo uhulumende kavumeli abantu ukuthi bahlangane bekhululekile bekhulume ngokubahluphayo.
IMDC yona ithi uhulumende uqhubeka ebopha amalunga ayo ewahlukuluza ewalela lokwenza imihlangano yawo.
Kodwa abebandla leZanu PF bathi uMongameli Mnangagwa uyawalondoloza amalungelo oluntu ukwedlula umuyi uMnu Robert Mugabe.
Khepha isiphathamandla seMDC ekhokhelwa nguMnu Nelson Chamisa esigabeni seEast Coast eMelika uMnu Tamburai Mpariwa Gwekwerere utshele iStudio 7 ukuthi ekunjalo.
