Kusukela ngoMvulo kuze kuyefika ngoLwesihlanu, umsakazo weStudio 7 uzalethulela izindaba eziphathelane lokutshabalala kwamadamu enyakatho lasezansi yeMandebeleni kanye lasenkabazwe.
Manengi amadamu aseleminyaka edubukile kumbe egqibelekile, kodwa akulalutho osolwenziwe ngawo.
Sixoxa lezakhamizi ezikhala ngokufelwa yizifuyo ngenxa yokusilela kwamanzi kanye leziphathamandla zikahulumende.
Lithiye indlebe ngoMvulo kusiyafika ngoLwesihlanu lizwe okunengi ngaloludaba.
Nxa uhlala endaweni eledamu elidinga ukulungiswa rekhoda umbiko wakho usitsho ukuthi idamu lakhona lingaphi lokuthi ukutshabalala kwalo kuphazamisa njani izakhamizi.
Uwuthumele umbiko wakho kunombolo zethu zeWhatsApp ezithi 0012024650318. Wenze ube mfitshane ungadluli imizuzu emibili.
