Umhlagano webandla leZanu PF oyenzwa kanye ngomnyaka ugqitshwe namhla kulezinqumo ezimbalwa lelibandla elithi zizavuselela umnotho welizwe.
Lumhlangano uqale ngoLwesibili eGoromonzi phandle kwedolobho le Harare. Ekhuluma emhlanganweni lo uMongameli Mnangagwa uncome ibandla le Zanu PF ngokuqhuba umhlangano lo esithi ibandla leZanu PF lisaphila njalo esithi lelibandla litshengise ukubambana.
UMnangagwa ukhuthaze abalandeli bebandla leZanu PF ukuthi basebenze gadalala ukuze ilizwe lithuthuke.
Lelibandla liphume lezinqumo ezimbalwa. Sixoxe lelunga ledale le central committee yalelibandla, uMnu. Joseph Tshuma ukuze sizwe okunengi ngaloludaba.
Lokhu sikudaba lunye, sixoxe lophatheke kwezombusazwe njalo owake wabalipholisa le Zimbabwe Republic Police, uMnu Diliza Mangoye sambuza ukuthi ubona ingani umhlangano webandla leZanu PF lo uzaphathisa na ilizwe?