amalinks wokungena

Breaking News

Sokulomthetho Ovikela Abathengi Kubaninibhizimusi


Zimbabwe Tumbling Economy

UMongameli Emmerson Mnangagwa usesayine umthetho ozenqabela ukufakwa kwentengo etshiyeneyo empahleni inye, ukuthengisa impahla ngentengo ephezulu lokufaka impahla engalotshwanga intengo esitolo.

Lumthetho, othiwa yi Consumer Protection Act, uzabangela ukuthi kubunjwe isikhwama sokuphathisa abathengi njalo lekhomisheni ezakwenza lumsebenzi.

Lumthetho uzakupha abathengi ithuba lokubuyisela impahla ezitolo nxa bengayifuni kungakedluli inyanga eziyisithupha.

Umkhokheli wenhlanganiso yabaphila ngokuthenga bethengisa, eye Bulawayo Traders and Vendors Association, uMnu. Michael Mdladla Ndiweni uthi abathengi vele kabahlonitshwa elizweni okokuthi lumthetho ungaphathisa nxa ungalandelwa kuhle.

Umkhokheli wenhlanganiso elwela ilungelo labathengi, eye National Consumer Rights Association uthi umthetho lo omutsha ufana lowakwamanye amazwe njalo uyancomeka kakhulu kodwa udubo yikuthi awusoze ulandelwe nguhulumende.

Ingcwethi ecubungula ezomnotho, uMnu. Rejoice Ngwenya uthi okuqakathekileyo yikuthi umsebenzi lo usetshenziswe ngendlela efaneleyo hatshi ukuhlukuluza abathengi abalembono ehlukene leyabe Zanu PF.

Ikhomeshini ezabunjwa ukuphathisa lumthetho ibikwa izasebenza lenhlanganiso ye Consumer Council of Zimbabwe phansi komunye njalo umthetho ozabunjwa.

please wait

No media source currently available

0:00 0:04:47 0:00


Facebook Forum

XS
SM
MD
LG