Inengi lithi umnyaka esiwugqiba namuhla ubunzima kakhulu osekutshiye abanye besithi nxa kungaba lolubelo kwezomnotho umnyaka ozayo uzakuba ulobunzima obuphindwe kanengi nengi.
Uhulumende kaMongameli Emmerson Mnangagwa usezame ngamandla akhe wonke ukuvuselela umnotho welizwe kodwa kukhanya kusehlula.
Usomabhizimusi wako Bulawayo, uMnu. Edwin Ndlovu uthi umnyaka lo utshengise ukuthi ababusayo sebephelele ngumphako.
Imbono kaNdlovu igcizelelwe ngeyomunye njalo usomabhizimusi, uMnu. Albert Mhlanga.
Ethatha intambo zombuso ngomnyaka ka 2017 uMongameli Emmerson Mnangagwa wathembisa ukuthi ilizwe lizavula amasango lingenise abafuna ukusungula amabhizimusi elizweni kodwa abanye bathi uhulumende wavala lawo masango.
UNkosikazi Rita Ndlovu ophatheke kwezombusazwe uthi umnyaka lo esiwugqiba namhla ubumubi kakhulu.
Kambe umnyaka esiwusungula kusasa uzakubalobubelo na?
