amalinks wokungena

Breaking News

Ukutshabalala Komnotho weZimbabwe Kuyaqhubeka


Ukutshabalala komnotho weZimbabwe kuyaqhubeka njalo inengi lithi akulalutho olukhomba ukuthi kukhona okwenziwa nguhulumende ukuwulungisisa.

Imali ilokhu ingatholakali lanxa ibhanga elikhulu lelizwe lazise kumaviki asanda kwedlula ukuthi lifake imali engange$20 million emkambo wemali.

Abasebenza emabhanga abakhulume leStudio 7 baveze ukuthi akulabubelo obalethwa yilimali ngoba umuntu ngamunye elokhe evunyelwa ukuthatha i$300 kuphela ebhanga ngeviki.

Bathi lokhu kuzadala ukuthi abazali bangenelisi ukuthola imali eneleyo yokubhadalela abantwana ekuvulweni kwezikolo ngeviki ezayo. Izikolo ezinengi sezikhuphule imbhadalo, ikakhulu ezemfundo yaphezulu.

Ezinye izikolo zePrimary lezeSecondary lazo zikhwezile imbadalo kodwa uhulumende uthi usacwayisisa ukuthi yiziphi azazivumela. Intengo yama-uniform leyezinye indingeko zabafundi layo ibikwa ikhwele okumangalisayo.

Umphathintambo wezemali uMnu Mthuli Ncube utshele iStudio 7 ukuthi ubengenelisi ukukhuluma ngodaba lokusilela kwemali emabhanga lesimo somnotho ngoba elokhe ekukhefu.

please wait

No media source currently available

0:00 0:05:01 0:00

Facebook Forum

XS
SM
MD
LG