Umongameli Emmerson Mnangagwa namuhla ubonakele esemhlanganweni wabacebisi bakhe, iPresidential Advisory Council yena ekukhefu.
UMnangawa uthe esiya kukhefu kuyonale iviki abanye bamsola besithi ngabe engayanga ngoba kunengi okufunakal ukuthi kulungisiswe elizweni.
Isikhulumeli sikaMnangagwa, uMnu. George Charamba, eloba ebulenjini bokuxhumana, iTwitter, uthe uMnangagwa uhlangane labacebisi bakhe kodwa uzabuyela njalo kukhefu epulazini lakhe elithiwa Sherwood Farm eKwekwe.
UCharamba uthe uzaphinda njalo aqume ikhefu lakhe ngeviki ezayo ngoMvulo lapho azahlangana khona lesiphathamandla sakwele China.
Embikweni wakhe emhlanganweni lo uMnangagwa uthe lo umnyaka ngowenguquko lokukhula kwesizwe. Ukuhlaziya loludaba uChris Gande we Studio Seven uxoxe lengcwethi ecubungula ezombusazwe, uMnu. Anglistone Sibanda.
