amalinks wokungena

Breaking News

Ababalisi Bathi Bazakhalala Umsebenzi Ekuvulweni Kwezikolo ngoLwesibili


Ababalisi bathi kabasoze babuyele emsebenzini ekuvulweni kwezikolo ngoLwesibili kulandela ukwehluleka kukahulumende ukubakhwezela iholo.

Umhlangano obekhona ngoLwesihlanu phakathi kukahulumende lezisebenzi zakhe awuphumanga lalutho ngoba izisebenzi zalile ukwamukela imali eziyithenjisiweyo zisithi inlutshwana kakhulu.

Zithi iholo lesisebenzi esithola imali ephansi kumele lilingane lamadola eMelika angamakhulu phose amahlanu, US$475.

Kodwa uhulumende uthi wenelisa ukuzengezelela iholo lisuka ku$1023 liye ku$2033 kuphela.

Ngokunjalo, umsekeli kamkhokheli weProgressive Teachers Union of Zimbabwe, uNkosikazi Nokuthula Hlabangana uthi ababalisi kabalayo imali yokubuyela ezikolo.

“Asilayo yona imali yokuthi sifinyelele ezikolo. Kunje ziyavulwa kodwa abethu abantwana sehlulekile ukubabhadalela ama-school fees,” kutsho uNkosikazi Hlabangana.

“Ngakho kuzwisa ubuhlungu ukuthi sibonakale sisiyafundisa abantwana babanye thina abethu behlezi ezindlini.”

please wait

No media source currently available

0:00 0:02:54 0:00

Ezinye izisebenzi zikahulumende lazo zilakho ukukhalala umsebenzi yiloba nini zikhala ngodaba lweholo.

Ocubungula ezenotho uMnu Reggie Shoko utshele iStudio 7 ukuthi uhulumende kumele adinge ezinye indlela ezingasuthisa izisebenzi zakhe ezifana lokuvumela ababalisi ukuthi bahambise abantwababo esikolo mahala.

please wait

No media source currently available

0:00 0:03:01 0:00

Facebook Forum

XS
SM
MD
LG