amalinks wokungena

Breaking News

UMnangagwa Wephule Njalo Ikhefu Lakhe Wahlangana Lesicukuthwane saseChina Ecela Imali


Zimbabwe President Emmerson Mnangagwa (R) and Chinese Foreign Affairs Minister Wang Yi (L) pose during their meeting at State House in Harare on January 13, 2020 as part of Wang Yi's visit to the country. (Photo by Jekesai NJIKIZANA / AFP)

UMongameli Emmerson Mnangagwa wephule ikhefu lakhe okwesibili ngoMvulo waphindela emsebenzini lapho ahlangane khona lomphathintambo obona ngobudlelwano beChina lamanye amazwe uMnu Wang Yi bekhulumisana ngenhlelo ezitshiyeneyo ezigoqela uncedo lwemali oludingwa yiZimbabwe.

Siloba enkundleni yeTwitter, isikhulumeli sikaMnangagwa uMnu George Charamba uthe uhulumende ucele imali yokuqhuba inhlelo zentuthuko eziyisithupha phansi kohlelo lukahulumende weleChina olokuphathisa amazwe asathuthukayo olweRoad and Belt Initiative.

Wengeze wathi uMnangagwa loMnu Yi bakhulume njalo ngokwakhiwa kwesititshi esitsha sokuphehla amandla kagetsi eseBatoka Hydro-Electric Project.

Umsebenzi lo waphiwa inkampani yaseChina eleSynoHydro leyeGeneral Electric eyeMelika njalo ngeseZimbabwe leZambia.

Zinengi inhlelo eziqhutshwa nguhulumende weChina eZimbabwe ezigoqela ukwakhiwa kwemigwaqo lamagceke endizamtshina.

Kodwa inengi lithi akulalutho olukhanyayo osolwenziwe yiChina oluthuthukise impilo kazulu lelizwe selokhe uhulumende eqinise ubudlelwano bakhe leChina kwezamabhizimusi ngesikhathi kusabusa umuyi uMnu Robert Mugabe.

“Loba singaze sibanike amaprojects laba abeChina, inking yikuthi kudla bona kuphela. Ngitsho lamabhara bavela lawo elizweni labo kanye lezisebenzi,” kutsho ingcwethi kwezenotho uMnu Reggie Shoko.

“Bazasakhela yonke into esiyifunayo kodwa akukho okubambekayo esingathola inzuzo kukho. Ungakhangela ngitsho labantu bethu kuhulumende kabenelisi ukuthi negogiate leChina ngendlela esilethela inzuzu.”

please wait

No media source currently available

0:00 0:02:00 0:00

Facebook Forum

XS
SM
MD
LG