Umkhokheli webandla leMDC uMnu Nelson Chamisa ukhangelelwe ukwethulela uzulu weZimbabwe umbiko wakhe oqakathekileyo ophathelane lesimo selizwe kusasa oweState of the Nation Address (SONA).
Umbiko lo uzaphatha indubo uzulu ahlangana lazo ezigoqela ukutshabalala komnotho osokulethele inengi ubunzima obukhulu.
Lumbiko uza ngesikhathi abanye besithi owake waba ngumlamulankunzi kudaba lweZimbabwe uMnu Thabo Mbeki kumele aphenduke elizweni ngokuphangisa azephendla ukukhulumisana phakathi kukaChamisa loMongameli Emmerson Mnangagwa.
UMbeki uke wahlangana lababili laba kunye lenye inkokheli yezombusazwe eHarare ngoMpalakazi wathembisa ukuphenduka njalo linyanga.
Inkulumo ezakhokhelwa nguMbeki ngo2008 zadala ukubunjwa kukahulumende wenkazatho phakathi kweMDC leZanu PF.
Bakhona asebesola inkokheli yeMDC ukuthi ayila bukhokheli obuqotho ngoba kade yathembisa ukuthi izathatha amanyathelo okubamba uhulumende ngamandla ukuthi alungisise okuhluphayo elizwei kodwa lokhu imadolonzima.
UNtungamili Nkomo weStudio Seven uxoxe lengcwethi kwezombusazwe, uMnu. Dinizulu Macaphulana, wambuza ukuthi ubona inkulumo ezintsha lezi ziphumelela na?
