Izikolo zivuliwe izolo ngesikhathi abanye ababalisi bengaphindelanga emsebenzini besithi bafuna uhulumende abengezelele iholo, njalo akwazakali ukuthi namuhla isimo siyabe sinjani.
Ngakwelinye icele, abazali bakhonona ngokukhuphuka kwentengo yama yunifomu, imbadalo yama school fees, kanye leye mpahla zokusebenzisa ezikolo.
Uhulumende uthembise ukuthi uzaphathisa izisebenzi zikahulumende ngemali engange $RTGS400 phezulu kweholo kodwa izisebenzi zalile ngoba zisithi incinyane kakhulu limali.
Amatitshala, labanye babo abaqhatshwe nguhulumende, bathi bafuna iholo labo liqathaniswe ledola leMelika eliyisilinganiso esedlula amakhulu amane.
UMnu. Thembelani Dube, isiphathamandla senhlanganiso yeBulawayo Progressive Residents Association uchasisela uSithandekile Mhlanga weStudio 7 ngobunzima obubhekane labahlali balelidolobho.
