Ezinye izizalwane zeZimbabwe ezisebenza kwamanye amazwe zithi kazisoze ziyilalele inkuthazo kahulumende eyokuthi kumele ziphenduke ekhaya ngobungcwethi bazo zizephatheka kumizamo yokuvuselela ilizwe.
Inkuthazo le yethulwe ngumphathintambo obona ngobudlelwano beZimbabwe lamanye amazwe uMnu Sibusiso Moyo kunsukwana ezedluleyo.
USibanda uthe abeZimbabwe laba kumele badinge imisebenzi nxa ithe yamanyezelwa ngamankampani atshiyeneyo.
Wengeze wathi ubugcwethi babantu laba asebebuthole kwamanye amazwe buqakathekile kakhulu njalo bungaphathisa emizameni yokuvuselela umnotho welizwe.
Kodwa abanye, abafana loNkosazana Kimberly Bhebhe, yena osebenza kweleBhilithani, bathi kabasoze balinge ngoba kungela nguquko engabakhona eZimbabwe nxa kulokhe kubusa iZanu PF.
