Selizaqala idale le senate yemelika ukuthonisa umongameli donlad Trump kulandela ukwethulwa kwamaphepha awe impeachment. Usomlomo wedale uNkosikazi Nancy Pelosi uze waqhubela idale le Senate amaphepha wokuthi uhlelo lwe impeachment olokuthonisa uMongameli Trump kucala lakhe aletheswayo elokufumbathisa umongameli wele Ukraine ngoncedo andubana amemezele ukuthi omunye wabafuna ukuncintisana lo Trump, uMnu. Joe Biden wayelecala.
Kunjalo nje imihlangano yokukhetha amalunga ebandla lama Democrats azancintisa kukhetho lokudinga umongameli ekupheleni kwawonalo umnyaka ikhangelelwe ukuqhutshwa ekuqaleni kwenyanga ezayo edolobheni le Iowa kulandela ingxoxo-mpikiswano yabancintisanayo kulelibandla kuthange ntambama.
Ukuze sicubungule loludaba, uSithandekile Mhlanga weStudio 7 uqale ngokubuza ingcwethi ecubungula ezombusazwe uMnu. Den Moyo ukuthi ngubani okhangelelwe ukukhethwa kulelibandla ukuthi ancintisane lomongameli Donald Trump webandla lamaRepublicans.