Umongameli Emmerson Mnangagwa ophakathi kwekhefu, usemangalise abanengi ngokuqhubeka ebonakala ephatheka kunhlelo zikahulumende lanxa etshiye omunye wabasekeli bakhe uMnu. Constantino Chiwenga ephethe intambo zombuso, elandelwa nguMnu. Kembo Mohadi.
Igqwetha uMnu. Thabani Mpofu wethule umbiko esithi okwenziwe nguMongameli Mnangagwa yikwephula isisekelo sombuso selizwe ngoba usephethe isikhundla sinye lomsekeli wakhe, kukanti bekungafanelanga abasekeli bakamongameli bakhethwe ngasikhathi sinye ukuthi bazophisane.
Izolo umongameli Mnangagwa ubeseMozambique lapho obekugcotshwa khona umongameli Filipe Nyusi. Uphinde wakhetha iziphathamandla ezizasebenza ewofisini yakhe uMnu. Walter Tapfumaneyi, owayengowebutho, kanye loMnu. Gatsha Mazithulela owezemfundo.
Ukucubungula loludaba, uSithandekile Mhlanga weStudio 7 uxoxe lengcwethi ecubungula ezombusazwe uMnu. Bekezela Maduma Fuzwayo.
