Umthethwandaba omqoka, owe Supreme usuphe isinqumo sokuthi nxa ubulesikwelede kungakafiki umhlaka 22 Mbimbitho womnyaka odluleyo uyenelisa ukusibhadala ngokulingeneyo mathupha, kumbe one on one ngeisilungu ngemali yalezinsuku eye RTGS Dollar.
Lesi sinqumo sahlulelwe inkampani ye Zambezi Gas Zimbabwe eyahanjiswa yinkampani ye VNR Barber emthethwandaba ifuna isikwelede sayo esedlula i$3 million.
IVNR Barber yabhadalwa isikwelede lesi ngemali yama RTGS okwabangela ukuthi iye emthethwandaba ngoba isithi iqilibezelwe.
Lesi sinqumo sitsho ukuthi wonke umuntu olesikwelede esathathwa ngemali engamadola eMelika usezaphiwa isingamadola awe RTGS.
Usomabhizimusi wakoBulawayo, uMnu. Edwin Ndlovu, olilunga njalo le MDC, uthi kubuhlungu nxa wakweleda umuntu imali yohlobo lwe US dollar usuyibhadalwa isingama RTGS.
Lokhu kugqizelelwe nguMnu. Prince Dubeko Sibanda, ommela isigaba se Binga edale lephalamende. Ke sizwe amazwi akhe?
Ingcwethi ecubungula ezombusazwe, uMnu. Rejoice Ngwenya uthi isinqumo lesi sizavimba abafuna ukuzosongula amabhizimusi elizweni.
Isinqumo lesi sethulwe ngumahlalu u Justice Luke Malaba elabahluli, uSusan Mavingira loNicholas Mathonsi.
