Impumela yokhetho lokudinga ozamela ibandla lama Democrats kukhetho lukaMongameli ekupheleni komnyaka edolobheni le Iowa ize yethulwa namuhla kulandela ingxabangxoza ebakhona ekubaleni amavoti.
Kuvotwe ngoLwesibili kodwa impumela ibikhitshwa mangqamu mangqamu okumangalise abanengi.
Abanye besebecabangela ukuthi iziphathamandla zama Democrats zicunulwe yimpumela le.
Impumela itshengisa uMnu. Bernie Sanders engutshiki lobhanqa loMnu. Pete Buttigieg. Okhangelelwe ukunqoba bonke, uMnu. Joe Biden ubengowesine.
Lanxa idolobho le Iowa lingalikhulu okungaphazamisa impumela nxa abancintisayo benganqotshwa kodwa lelidolobho ngokuqala ukhetho lihle landise ukuba ngumhlahlandlela okhomba impumela yokhetho lwelizwe jikelele.
Sixoxe lesizalwane seZimbabwe esihlala ngapha kwelemelika, uMnu. Raphael Mthombeni ukuze sizwe imbono yakhe ngaloludaba.