amalinks wokungena

Breaking News

World Radio Day: 'Uhulumende Kumele Avumele Imisakazo Yezigaba'


EleZimbabwe lizamanyana lamanye amazwe ekunanzeni ilanga leWord Radio Day namuhla inengi lisithi uhulumende ukhanya engakazimiseli ukuvumela imisakazo yezigaba, ama-community radio stations.

Lelilanga linanzwa emhlabeni jikelele ngenjongo yokukhuthaza lokuthakazelela umsebenzi owenziwa yimisakazo yama-radio efana loweStudio 7.

Okwamanye eZimbabwe kulemisakazo elawulwa nguhulumende kuphela eyeZBC leminye nje embalwa eyaziwa ngokuthi ngama-commercial radio stations esakaza emadolobheni atshiyeneyo kuphela.

Imisakazo le igoqela oweZi-FM, Skyz Metro FM loweStar FM.

Eminye yalimisakazo ibikwa ilobudlelwani lohulumende lanxa nje isithi izimele.

Ukungabikhona kwemisakazo ezimeleyo eZimbabwe yikho okwabangela ukuthi kusungulwe umsakazo weStudio 7, wona othakazelelwa ngabantu abanengi.

Abanye bathi uhulumende kumele avumele imisakazo yezigaba ngoba kuyiyo eqakathekileyo kuzulu. Yena uhulumende uthi uzakwenza lokhu maduze nje.

Kodwa intathelizindaba eyake yasebenzela umsakazo weZBC kodwa esisebenza kweleSouth Africa uMnu Nqobizitha Mnkandla uthi akawakholwa amazwi kahulumende.

please wait

No media source currently available

0:00 0:02:06 0:00

XS
SM
MD
LG