Ukuhlangana kukamongameli Emmerson Mnangagwa lenhlanganiso eziphansi komanyano weMatabeleland Collective okweziwe ngoLwesihlanu koBulawayo kuxoxiswana ngendaba ezimqoka esigabeni seMatabelaland kutshiye abantu balesi sigaba belembono etshiyeneyo.
Lokhu ngokwesibili ukuthi uMnangagwa ahlangane lenhlanganiso lezi.
Okunye owkavunyelwanayo emhlanganweni wakuqal kubikwa kungakafezwa okutshiye laye uMnangagwa ethandabuza emhlanganweni wayizolo.
Abanye abafana lowayengumphathintambo wezabalwa impi yenkululeko, uMnu. Tshinga Dube bathi inyathelo elithathwa nguMnangagwa liyancomeka.
UMnangagwa wetheswa icala lokuba lesandla kumbhuqazwe weGukurahundi ngoba wayengumphathintambo wezomvikela ngesikhathi ivuyo le Fifth Brigade lize libulale abantu abacatshangelwa ukuthi bengedlula inkulungwane ezingamatshumi amabili, 20 000.
Siqale ngokubuza uDube ukuthi kuyaphathisa na okwenziwa nguMnangagwa?
Lokhu sikudaba lunye isiphathamandla somanyano we Matabeleland Collective, uNkosikazi Jenni Williams ulandule imbiko ethi wancoma umphathintambo wezokulima, uMnu. Perence Shiri ngokulalelisisa kudaba lwegukurahundi.
Uwilliams ubelandula amazwi awethulwe enkundleni ye Twitter ngunobhala kugatsha lwezemibiko, uMnu. Nick Mangwana.
Ephendlula enkundleni inye, uWilliams uthe yena wayethe uShiri ulalela kudaba lohlelo lwe Zambezi Water Project hatshi olwe Gukurahundi.
UShiri ngomunye owetheswa ukuba lesandla kumbhuqazwe we Gukurahundi ngesikhathi ezithi nguJesu onsundu, kumbe Black Jesus ngesingisi ngoba wayezithi ulamandla okupha kumbe ukuncitsha umuntu umphefumulo.
Ukuhlaziya udaba lomhlangano kamnangagwa sixoxe lolwela ilungelo likazulu wesigaba seMandebeleni, uMnu. Mbuso Fuzwayo.