Lanxa ithemba selililutshwana lokuthi umanyano wamabandla anqotshwa kukhetho, owe Polad, uzaphumelele ukuvakatshela amazwe awentshonalanga ukuthi ayekethise izijeziso zenotho lumanyano uthi uzaqhubekela phambili.
Lumanyano ubikwa uzavakatshela amazwe athi South Africa, amazwe ambalwa awe Europe kunye le United Kingdom. Kubikwa kuzasetshenziwa imali edlula izigidi ezine lengxenye, $4.5 million.
Kodwa ithemba lokuthi leliqula lizaphuma lolutho kuhambo litshabalele kuyonale iviki ngemva kokuba umanyano we European Union wazise ukuba awusoze wesule izijeziso zenotho ngoba kungakabonakali inguquko kundlela ibandla le Zanu PF elibusa ngayo.
Sixoxe lesizalwane seZimbabwe esihlala kwele Bhilitane lapho okubikwa kuzavakatshelwa ngumanyano lo, uMnu. Difa Wajapi Bango, ukuze sizwe imbono yakhe ngaloludaba.
