Ical eletheswa umkamsekeli kamongamali welizwe, uMarry Mubaiwa lubikwa solunikezwe amapholisa akwele South Africa lapho uChiwenga athi yikho ayefuna ukumbulalela khona umkakhe ngesikhathi egula.
UMarry wavalelwa estokisini okwamaviki ambalwa esetheswa amacala ambalwa nyakenye abalisa elokufuna ukubulala umkakhe lawe corruption okuthiwa wayenza ngokuthenga indlu kwele South Africa okungekho emethweni.
Umthethwandaba we High Court eHarare wamthola engalacala wasola umkakhe kodwa walukhweza emthethwandaba we Supreme Court esola isinqumo sikamahluli.
UMarry waphinda wabotshwa ngemva kokwetheswa icala lokutshaya untombazana olinda abantwa bakhe. Wakhitshwa ngokubhadala imali yesibambiso sebail.
Abazi ngokwenzakalayo batshele iStudio Seven ukuthi uChiwenga wamangalela umkakhe ngeviki edluleyo. Kambe engaba elamathuna angcono ukuthi athoniswe kwele South Africa kulaseZimbabwe? Lo ngumbuzo esiwethulele ingcwethi kwezemithetho, uMnu. Job Sibanda.
