amalinks wokungena

Breaking News

Asele Ekhuza Umhlola Amalunga Ephalamende Phezu Kodaba lwe$9 Million


Amalunga ekhomithi yedale lephalamende ebona ngezokulima asele ekhuza umhlola ngoLwesibili ngemva kokujikelana inyoka ephilayo phakathi kwabenhlanganiso yeGrain Millers Association of Zimbabwe labogatsha olugcina iziphala zelizwe olweGrain Marketing Board.

Umgcinisihlalo weGrain Millers, uMnu Tafadzwa Musarara utshele likhomithi ukuthi inhlanganiso yakhe yapha iGMB imali efika ku$9 million ngo2016 ngemva kokucelwa nguMongameli Emmerson Mnangagwa esangumsekeli kaMongameli welizwe ngaleso sikhathi.

UMusarara, yena obanjwe ngamandla lidale ukuthi azekupha ubufakazi phambi kwalikhomithi ngemva kokwala, uthe imali le yayiqondane lokuvuselela iziphala zeGMB.

Kodwa okumangalise amalunga ephalamende yikuthi isiphathamandla seGMB, uMnu Clemence Guta ukulandule lokhu esithi akulamali abake bayiphiwa yinhlanganiso kaMusarara.

Umphathintambo wezemali uMnu Mthuli Ncube laye ubikwa esithi akulalutho alwaziyo ngalimali.

Abanye bathi uMongameli Mnangagwa kumele abizwe laye azefakaza edale njengoba uMusarara esithi nguye owabacelayo ukuthi baboleke iGMB imali.

Umeli weMakokoba edale lephalamende njalo elilunga lekhomithi ephatha loludaba uMnu James Sithole utshele lumsakazo ukuthi basazoluphenya kahle loludaba.

please wait

No media source currently available

0:00 0:03:16 0:00

Ukuphikisana phakathi kweGrain Millers leGMB lokhu kuza ngesikhathi ilizwe libhekane lokusilela kwempuphu njalo abanye abagaya impuphu besethesa iGrain Millers icala lokuthengisa umumbu phandle kwelizwe.

Facebook Forum

XS
SM
MD
LG