Abalandeli Beqembu Lama Warriors Badaniswa Yisinqumo seCAF Esokuthi Inkundla Zelizweni Yizikwakwa

Abalandeli bomdlalo wenguqu bathukuthele ngesinqumo esethulwe yiConfederation of African Football izolo esokuthi yonke imidlalo yeqembu leZimbabwe Warriors lamanye amazwe kumele idlalelwe phandle kwelizwe ngoba kungasela nkundla elungele limidlalo elizweni jikelele.

Iqembu leZimbabwe belimele lidlale leleAlgeria kumncintiswano weAfrica Cup of Nations mhlaka 29 ngenyanga ezayo eBarbourfields koBulawayo obsekuyiyo yodwa inkundla elizweni elungele imidlalo yezinga eliphezulu.

Kodwa inhlanganiso elawula ezenguqu iZimbabwe Football Association ithole incwadi evela kuCAF izolo iyazisa ukuthi iBarbourfields kayisalungelanga ukudlalelwa imidlalo elamaqembu akwamanye amazwe ngoba ingasaphathwanga kuhle ngendlela efunwa yi CAF.

Inkundla yeNational Sports Stadium leyeMandava lazo zayaliswa kudala yiCAF. Lokhu kusitsho ukuthi ilizwe sokumele licele amanye amazwe ukuthi liyedlalela kuwo imidlalo yeAfrica Cup of Nations leyeWorld Cup eqala ngoMfumfu.

IZIFA ithi izakhulumisana lamanye amazwe ngodaba lolu. Kodwa ithi izethula amaphepha okuphikisa isinqumo seCAF.

Sixoxe lowake waba ngumsekeli kamgcinisihlalo weZIFA uMnu Omega Sibanda yena othi inkokheli yeZifa kumele itshiye umsebenzi phezu kodaba lolu.

Embed share

Ingxoxo loMnu. Omega Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:37 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala