Umongameli Donald Trump usekhethe umsekeli wakhe, uMnu. Mike Pence ukuthi akhokhele uhlelo lokuvikela ilizwe leMelika kugcikwane le coronavirus.
Lokhu kulandela ukusolwa kuka Trump ngabanye abathi uyalulaza udubo lwe coronoravirs ngokuthi ilizwe leMelika alikho engozini yaleligcikwane.
Kulezizalwane zeMelika ezingamatshumi ayisithupha ezilegcikwane leli njalo abezempilakahle bathi igcikwane leli lilakho ukusabalala eMelika.
Kunjalo nje, uyaqhubeka umjaho wokudinga ozamela ibandla lama Democrats kukhetho lokudinga uMongameli ekupheleni komnyaka.
UMongameli Trump uqhubeka ebusa ngendlela abanye abathi kayifanelanga ilizwe elinjengeleMelika.
Uzanqotshwa na kukhetho?
Lo ngumbuzo esiweubuze isizalwane seZimbabwe esihlala ngapha kweleMelika, uNkosikaza Priscilla Ndlovu.
