WASHINGTON D.C —
Ibandla leMthwakazi Republic Party lithi selize lathola imvumo yokuqhuba umhlangano walo we rally eTshabalala Hall kusasa ngoMgqibelo koBulawayo ngemva kokwalelwa ngamapholisa ukwenza lokhu ngeviki edluleyo, esithi kuzasabalalisa igcikwane le corona virus, elaqhamuka eChina.
Ilunga lalelibandla uMnu. Mbonisi Gumbo uthi kodwa amapholisa abenqabele ukuthi baqhube uhlelo lwe roadshow kulelidolobho izolo lanamuhla.
Uthi belokhu bezama ukuthola imvumo yokufaka itende lokuthi abantu beze kulo bezokhuluma ngodaba lweGukurahundi ngoba abazithembi inhlelo eziqhutshwa nguhulumende ngaloludaba.
Okunengi asikuzweni kungxoxo uSithandekile Mhlanga weStudio 7 ayiqhube loMnu. Gumbo.
