amalinks wokungena

Breaking News

Idale leSupreme Court Lihluza Isicelo Sabasekeli beMDC Abatholakala Belecala Lokubulala Ipholisa


Umthethwandaba weSupreme Court namuhla uzahluza udaba lwabasekeli beMDC abagoqela uLast Maengahama loTungamirai Madzokere olokuphikisa ukufunyanwa kwabo belecala lokubulala ipholisa kanye lesigwebo abasiphiwayo.

Ababili laba batholakala belecala lokubulala ipholisa uMnu Petros Mutedza ngo2011 njalo basejele leChikurubi lapho abapika khona okweminyaka engamatshumi amabili ngamunye.

Umsekeli weMDC wesithathu owayetheswe icala elifanayo uNkosazana Yvonne Musarurwa wasuka wakhululwa phansi kohlelo lukaMongameli welizwe olokuxolela amabhantinti olwePresidential Amnesty.

Amagqwetha amela uMaengahama loMadzokere athi ababili laba kumele bakhululwe ngoba kayisibo ababulala ipholisa.

Amanye njalo amalunga eMDC alitshumi lambili abotshwe ngoMgqibelo esetheswa icala lokubangela udlakela eChitungwiza amiswe emthethwandaba izolo, lapho enqatshelwe khona ukukhululwa ngemali yesibambiso.

Isikhulumeli somkhokheli weMDC uDr. Nkululeko Sibanda utshele uSithandekile Mhlanga weStudio 7 ukuthi ukubotshwa kwamalunga ebandla lakhe yikuwahlukuluza nje kuphela.

please wait

No media source currently available

0:00 0:02:21 0:00

Facebook Forum

XS
SM
MD
LG