WASHINGTON D.C —
Sokulowesibili othalakale elegcikwane le Coronavirus kwele South Africa osekwengezelele ngamandla ukwesabela ukuthi leligcikwane lilakho ukumemetheka lifineyelele ele Zimbabwe.
Umpthathintambo wezempilakahle kwele South Africa, uMnu. Zweli Mkhize uthi oselegcikwane leli owesibili ngowesifazane oleminyaka engamatshumi amathathu lasithoba munwe munye.
UMkhize uthi umuntu lo laye wayehambe kwele Italy lalowo owakuqala owatholakala elegcikwane leli.
Owakuqala ngowesilisa laye udabuka esigabeni se Kwazulu Natala.
Sixoxe lomkhokheli wenhlanganiso elwela ilungelo labadabuka kwamanye amazwe behlala kwele South Africa, eye Africa Diaspora Forum, uMnu. Vusumuzi Sibanda.
