Sokulemibuzo yokuthi kambe indlela esetshsenziswa nguhulumende ukuhlola abantu abacatshangelwa ukuthi balegcikwane le coronavirus ingabe imqotho na kulandela ukutholakala kwesizalwane sakwele Bhilitane ukuthi silegcikwane khona eZimbabwe lingabonakalanga leligcikwane.
EleZimbabwe belithumezela igazi kwele South Africa ukuthi lihlole igcikwane leli kwaze kwathi ngenyanga ka Lwezi ilizwe laqala ukuzihlolela lona lodwa.
Kodwa okwenzakale kusizalwane seBhilitane sokudale imibuzo. Indlela yokuhlola igcikwane leli umhlaba jikelele ivele isidale imibuzo eminengi okubangele ukuthi eleMelika lithi aliyifuni indlela esetshenziswa ukuhlalo igcikwane leli ethiwa yi PCR test.
IPCR test yathiwa isestshenziswe umhlaba wonke jikelele ngumanyno we World Health Organization.
Kodwa ugatsha lwezempilakahle olweMelika solusungule indlela entsha yokuhlola abacatshangelwa ukuthi balegcikwane leli.
Kambe bengaba begcwele abalegcikwane le coronavirus kodwa bengazi ngoba kungahlolwa kahle?
Lo ngumbuzo olokhu ungaphendulwa ngamazwe amanengi omhlaba ngesikhathi igcikwane leli limemetheka ngamandla.
Kodwa eZimbabwe abanengi bancoma uhulumende ngokumisa imbuthano emibili emikhulu, owe Independence lowombukiso we Zimbabwe International Trade Fair ngoba bekuzakuba lokuthelelana kwegcikwane leli elithelelwana kalula.
USithandekile Mhlanga weStudio 7 uxoxe loMnu. Edwin Ndlovu, usomabhizimusi wakoBulawayo, olilunga lebandla leMDC ukuze sizwe imbono yakhe ngaloludaba.
