Kubotshwa Abangamatshumi Amabili Abephule Umthetho Wokuvalwa Kwelizwe Phezu kweCoronavirus

Amapholisa athi asebophe abantu abalitshumi lasitshiyagalolunye abephule umthetho wokuzivalela ezindlini ngenjongo yokwenqabela ukumemetheka komkhuhlane wecoronavirus.

Asebebanjwe yilumkhuhlane eZimbabwe bayisitshiyagalombili abagoqela osowafayo oyedwa uMnu Zororo Makamba.

Isikhulumeli samapholisa uMnu Paul Nyathi uthi abanye babantu laba bebesemashabhini kuthi abanye ngekade behambahamba.

Umthetho wokuvalwa kwelizwe uqale ukusebenza ngoMvulo njalo uzaqhubeka okwamaviki amathathu abantu bengahambahambi.

Kusenjalo, ezinye izakhamizi zakoBulawayo zivuke zingelamanzi izolo ngesikhathi ilizwe liphakathi kwemigoqo yokuzivalela le.

Isakhamizi seSizinda uMnu Raymond Phiri utshele iStudio 7 ukuthi lokhu kwenza kubenzima ukuthi bazivikele kumkhuhlane weCoronavirus ngoba bengelamanzi okugeza izandla lokuhlanzeka nje.

Embed share

Ingxoxo loMnu Raymond Phiri

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:41 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala