Uhlelo lokuvimba ukuhambahamba kwabantu ngenjongo yokwenqabela ukumemetheka komkhuhlane weCoronavirus lubikwa lulakho ukungaphumeleli ngoba abantu betshona beminyezelana kundwendwe zokudinga impuphu.
Edolobheni leGwanda kutshone kuxokozela kwesinye isitolo izolo kulamakhulu abantu abagoqela amapholisa bedinga impuphu.
Le yinto eyenzakalayo njalo kwezinye indawo ezifana lakoBulawayo.
Isikhulumeli senhlanganiso emela abathengi eyeNational Consumer Rights Association uMnu Effie Dlela Ncube utshele iStudio 7 ukuthi imbuthano enje yenza kubenzima ukwenqabela lumkhuhlane.
Kusenjalo, amapholisa abikwa esengezelele inhlelo zokuvala imigwaqo engena edolobheni lakoBulawayo ukuze abantu bahlale ezindlini emizameni.
Kodwa ukuvimba abantu lokhu ngumsebenzi omkhulu ngoba abantu befuqwa zindingeko zempilo ezifana lokusilela kwemphu, kutsho usomabhizimusi uMnu Edwin Ndlovu.