Sesiqalisile Amalungiselelo eCongress Yokukhetha Inkokheli Entsha Kulandela Isinqumo Senkantolo, Kutsho uMaKhupe

Ibandla leMDC-T elikhokhelwa nguNkosazana Thokozani Khuphe lithi seliqalisile amalungiselelo omhlangano walo we extra-ordinary congress, owokukhetha umkhokheli walo, kulandela isinqumo somthethwandaba weSupreme Court esokuthi umkhokheli weMDC uMnu Nelson Chamisa, kathathanga intambo zombuso ngokusemthethweni kulandela ukutshona kukaMnu Morgan Tsvangirai.

Ibandla leli lithi njalo lilelungelo lokuxotsha amalunga eMDC kaChamisa edale lephalamende.

Kodwa abebandla likaMnu Chamisa bathi uMaKhupe labanye bakhe bayazikhohlisa. Bathi isinqumo somthethwandaba lesi kasithinti ibandla labo.

Isikhulumeli sikaMaKhupe uMnu Khaliphani Phugeni utshele iStudio 7 ukuthi lapho okuzaphela khona uhlelo lokuvalwa kwelizwe ngenjongo yokwenqabela ukumemetheka kweCoronavirus bazagcwala ilizwe lonke sebeqoqa kutsha ibandla alabo.

Embed share

Ingxoxo loMnu Khaliphani Phugeni

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:28 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala