WASHINGTON D.C —
Owayengumongameli weleMelika, uMnu. Barack Obama usephe usekelo lwakhe kowayengumsekeli wakhe uMnu. Joe Biden ukuthi abe ngumongameli welizwe kukhetho oluzayo ekupheleni komnyaka.
UObama uthe uBiden nguye ongakhokhela ilizwe ngcono ngalesi sikhathi ilizwe libhakane lendubo ezitshiyeneyo.
Lokhu kwenzakala ngesikhathi abanye besithi uMongameli Donald Trump uphathe udaba lokumemetheka kwegcikwane lecoronavirus ngobukhokheli obuqotho.
Lokhu kuvele kucwaningo olusanda yenziwa oluthi inani labantu abathi uTrump utshengisa ubukhokheli obuqotho selikhuphukile.
Sixoxe lesizalwane seZimbabwe esihlala ngapha kweleMelika, uMnu. Den Moyo saqala ngokumbuza ukuthi ulubona njani udaba losekelo luka Obama kuMnu. Biden.