amalinks wokungena

Breaking News

Inkantolo Ithi iZBC Kumele Yethule Inhlelo Ezifinyelelwa Ngabagogekileyo Mayelana ngeCoronavirus


UMnu. Abraham Mateta (esandleni sokunene), UMnu. Masimba Kuchera (ophakwathi kwababili laba) loMnu. Denias Mudzingwa.
UMnu. Abraham Mateta (esandleni sokunene), UMnu. Masimba Kuchera (ophakwathi kwababili laba) loMnu. Denias Mudzingwa.

Umthethwandaba weHigh Court izolo unqume ukuthi umsakazo weZBC labengatsha zikahulumende ezibalisa olwezempilakahle lolokunakekela uzulu kumele basebenzise indlela ezifinyelelwa ngabagogekileyo ukuze bathole ulwazi mayelana ngomkhuhlane weCoronavirus.

Inhlanganiso yeZimbabwe National League for the Blind, iCentre for Disability and Development Trust, leDeaf Zimbabwe Trust yizo ezakhweza loludaba emthethwanda zikhala ngokuthi abalobugoga bokungaboni, ukungezwa endlebeni lokunye ukukhubazeka kabenelisi ukufinyelela imibiko ephathelane leCoronavirus.

Kusinqumo sakhe umahluli uMnu Joseph Mafusire uthe abeZBC labengatsha zikahulumende bephula amalungelo abagogekileyo ngokwehluleka ukusebenzisa abazi ulimi lokukhuluma ngezandla (sign language) lokungalobi okukhulunywayo emifanekisweni kamabonakude.

UmMafusire uthe njalo ingatsha zikahulumende kumele zilobe ngendlela esetshenziswa ngabangaboniyo, ibraile kumagwaliba alembiko emayelana ngomkhuhlane lo njalo lezingatsha kumele zicindizele imbiko le kuma-cassette lezinye indlela ezifinyelelwa ngabakhubazekileyo.

Isiphathamandla senhlanganiso yeCenter for Disability and Development Trust, uMnu Masimba Kuchera utshele iStudio 7 ukuthi bayathokoza kakhulu ngesinqumo lesi.

please wait

No media source currently available

0:00 0:04:06 0:00

XS
SM
MD
LG