Ugatsha lukahulumende olubona ngezamanani olweZimbabwe National Statistics Agency (Zimstats) luthi imuli elabantu abahlanu idinga imali ephose ifike inkulungwane ezimbili lamakhulu amane, $2,365, yokuthenga ukudla kuphela ngenyanga.
Nxa isihlangene leyezinye indingeko zempilo limali iba zinkulungwane eziyisithupha lamakhulu aphose angene kwamahlanu, $6,420.
IZimstats ithi njalo umuntu oyedwa yena udinga imali engange$473 eqondane lokudla ngesikhathi esifanayo kuthi nxa isihlangene leyezinye indleko iba yi$1,284.
Amanani la ngawenyanga kaMbimbitho.
Umbiko lo uza ngesikhathi abantu abanengi bekhala ngokuthi bayalamba ezindlini ngoba abasaqhubi imisebenzi yokuziphilisa ngenxa yokuvalwa kwelizwe emizameni yokwenqabela ukumemetheka kweCoronavirus.
Ocubungula ezombusazwe uMnu Dumisani Nkomo utshele iStudio 7 ukuthi uhulumende ulomlandu wokuphathisa abantu abangaselandlela zokuziphilisa.
