Intengo Yezinto Okuthiwe Izakwehla Nguhulumende Iqhubeka Ikhuphuka

Lanxa uhulumende esithi wavumelana labosomabhizimusi ukuthi behlise intengo yezinto ibuyele kuzinga eyayikulo mhlaka 25 ngenyanga edluleyo, inengi lithi intengo ilokhu ikhuphuka.

Izitolo ezinkulu zona zibikwa zingasafaki okungamaphetshana okuchaya intengo ngoba zisesaba ukuhlaselwa nguhulumende.

Abakhulume lalumsakazo bathe osokusenzakala kwezinye izitolo yikuthi othengayo uyadobha kuphela akufunayo abesefika etshelwa intengo esebhadala.

Abanye babikwa behle betshiye lokho abayabe bebejonge ukukuthenga ngemva kokutshelwa intengo ephezulu kakhulu.

Ingcwethi ecubungula ezenotho uMnu Reggie Shoko utshele iStudio 7 ukuthi uhulumende kumele achasisele uzulu ukuthi kahle-kahle intengo izakwehla nini lokuthi eyehlayo ngeyaziphi izinto.

Embed share

Ingxoxo loMnu Reggie Shoko

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:33 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Asenelisanga ukukhuluma leziphathamandla zikahulumende ngaloludaba.