Inengi lithi akufanelanga iziphathamandla zamabandla ezombusazwe kube yizo ezabela abaswelayo ukudla okuvela kuhulumende ngoba lokhu kubangela ukuthi kungafinyeleli abakudingayo.
Umsekeli kamongameli uMnu. Kembo Mohadi, ubikwa esithi kufanele ugatsha kukahulumende olubona ngabaswelayo elizweni, olwe Social Welfare lwabele abampofu impuphu ngokuphuthuma.
Okhokhela lolugatsha, uMnu. Paul Mavima, uthi uhulumende usaqoqa imali yokupha imuli eziswelayo kanye labanini bamabhizimusi amancinyane, ngesikhathi indawo ezinengi zivaliwe ngohlelo lweLockdown, olokwenqabela ukumemetheka kwegcikwane leCoronavirus.
UMnu. Joseph Tshuma, ongusomabhizimusi njalo, eyisiphathamandla sebandla leZANU PF, uthi amabizo alabo abathola lokhu ukudla kufanele aqoqwe yizakhamizi ngokwazo.