amalinks wokungena

Breaking News

Amalunga Edale Lephalamende Engaba Ehlamukele uChamisa Ngokuya Edale Izolo?


UMnu Nelson Chamisa loNkosazana Thokozani Khupe
UMnu Nelson Chamisa loNkosazana Thokozani Khupe

Ibandla leMDC-T elikhokhelwa nguNkosazana Thokozani Khuphe lithi liyajabula ukuthi amalunga ephalamende amathathu awebandla leMDC Alliance aphatheke emsebenzini walelidale izolo, okutshengisa ukuthi ayalandela isinqumo somthethwandaba waphezulu owe high court.

Amalunga ebandla le-MDC Alliance elikhokhelwa nguMnu. Nelson Chamisa athethe isinqumo sokukhalala imisebenzi yalelidale ngemva kokuba eleMDC-T selixotshe amanye amalunga alo kulandela isinqumo somthethwandaba esokuthi uMnu. Chamisa kangenanga ngokusemthethweni esikhundleni asiphetheyo.

Uobhala jikelele weMDC Alliance uMnu. Charlton Hwende ulobe enkundleni yebulenjini eye twitter ukuthi amalunga ebandla lakhe alikhulu letshumi-110, ngakho abathathu yingcosana kuphela njengoba inengi lilandela isinqumo sebandla.

Kodwa isikhulumeli sikaNkosazana Khuphe, uMnu. Khaliphani Phugeni uthi inani leli liphezulu ngoba bekungumhlangano wekhomithi yalelidale, hatshi iphalamende yonke ebisebenza izolo.

Utshele uSithandekile Mhlanga weStudio 7 ukuthi abangaphathekanga nguNkosikazi Ruth Labode loMnu. Anele Ndebele kuphela, njalo i-MDC-T ikhangelele ukuthi bonke bayeza ngoLwesibili iphalamende ivulwa ngeviki ezayo.

please wait

No media source currently available

0:00 0:03:45 0:00


XS
SM
MD
LG