amalinks wokungena

Breaking News

Imali Entsha Iqala Ukusebenza Kodwa Inengi Lithi Kalikayiboni?


Imali entsha.

Lanxa ibhanga lesizwe, ele Reserve Bank lisithi imali entsha yesisindo se $10 ibimele iqalise ukusetshenziswa namuhla inengi elixoxe leStudio Seven belingakayiboni limali.

Imali le ngeyake yasebenza kuminyaka edluleyo. Ibhanga leli lalithe imali ezaqala ukusebenza ngeyisisindo se $10 le $20 kodwa namuhla kuqale nge $10 kukhangelelwe ukuthi i$20 izaqala ngeviki ezayo.

Isiphathamandla senhlanganiso yabaphila ngokuthenga lokuthengisa ezitaladini eye Bulawayo Vendors and Traders’ Association, uMnu. Michael Mdladla Ndiweni uthi ngabe uhulumende uyaqinisa amabhizimusi ukuze kuthuthuke umnotho kulokusungula imali entsha.

Lokhu kugcizelelwe ngesinye isakhamuzi sako Bulawayo, uMnu. Raymond Phiri.

Ingcwethi kwezomnotho, uMnu. Masimba Kuchera uthi ukudindwa kwemali le kuzabangela ukugugdeka komnotho, iinflation ngesilungu, kuqhubeke ngamandla.

Ibhanga le Reserve Bank lalithe umuntu uvunyelwa ukuthatha imali engamadola angamakhulu amathathu ngeviki kodwa ngokusungulwa kwemali entsha sokuthiwa umuntu uyavunyelwa ukuthatha amadola ayinkulungwane eyodwa ngeviki. Kodwa abanengi bathi imali le ilokhu ingenele indleko zabo.

please wait

No media source currently available

0:00 0:04:49 0:00


Facebook Forum

XS
SM
MD
LG