'UMutodi Uxotshelwe Ukuxabana loSibusiso Moyo'

Obengumsekeli kamphathintambo obona ngokwethulwa kwemibiko uMnu Energy Mutodi uxotshwe umsebenzi nguMongameli Emmerson Mnangagwa izolo njalo ingcwethi kwezombusazwe zithi uxotshelwe ukuxabana lomphathintambo obona ngobudlelwano beZimbabwe lamanye amazwe uMnu Sibusiso Moyo.

Kumalanga ambalwa edluleyo uMutodi ulobe enkundleni yeTwitter ukuthi uMoyo lesinje njalo isiphathamandla seZanu PF uMnu Christopher Mutsvangwa bamqoqela okubi.

UMutodi waziwa njengomuntu ongelambeko njao okhuluma yiloba yini.

Ukuxotshwa kwakhe izolo kuze ngemva kokuba ethule umbiko obusithi abesifazana beMDC Alliance abathunjwe batshaywa ngabantu abanakanelwa ukuthi ngamaCIO, bangonondindwa abaxabana phezu kwenhlawulo labantu ababebathengisele imizimba.

Uthi kulapho ke abalimalela khona. Abesifazana laba nguNkosazana Joana Mamombe, uNkosazana Netsai Marova loNkosazana Cicilia Chimbiri.

Ingcwethi kwezombusazwe uMnu Effie Dlela Ncube utshele iStudio 7 ukuthi ngokubona kwakhe, uMnangagwa uphoqelelwe nguMoyo ukuthi axotshe uMutodi kuhulumende.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:55 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala