amalinks wokungena

Breaking News

Sebengamatshumi Amane Lasitshiyangalombili Asebebanjwe iCoronavirus eZimbabwe


Inani lasebebanjwe igciwane leCoronavirus eZimbabwe selikhwelile laya kumatshumi amane lasitshiyangalombili, 48, ngemva kokutholakala kwabesifazana ababili belomkhuhlane lo izolo.

Ugatsha lwezempilakahle luthi abantu laba bafike elizweni kunsukwana ezedluleyo omunye evela kweleBotswana njalo omunye ubevela kweleSouth Africa.

Asebebulewe yiCoronavirus eZimbabwe balokhu bebane kuthi asebesindile labo balokhu belitshumi lasitshiyangalombili, 18.

Emhlabeni jikelele umkhuhlane lo usubulele abantu abangu-329,000 njalo wahlasela abedlula izigidi ezinhlanu, 5 million.

Ukukhwela kwenani labalomkhuhlane lo eZimbabwe yinto esitshiye inengi lithithibele.

Isiphathamandla senhlanganiso elwela amalungelo oluntu eyeIbhetshu likaZulu uMnu Mbuso Fuzwayo utshele iStudio 7 ukuthi inengi likhathazekile ngokukhuphuka kwenani labantu abalomkhuhlane lo.

please wait

No media source currently available

0:00 0:02:30 0:00

Kusenjalo, uzulu weMatabeleland South uthi usedlela evalweni kulandela ukubaleka kwabantu abalitshumi lasitshiyagalolunye abakade bevalelwe ehoteleni yeNassa eBeitbride besahlolwa igciwane leCoronavirus.

Abantu laba ngabavele kweleSouth Africa njalo inengi labo lalibotshiwe kulelolizwe.

Kulabanye njalo abahlanu ababaleka kulihotela kunsukwana ezedluleyo.

Isakhamuzi seGwanda uMnu Thandeko Zinti Mnkandla uthi uzulu wezansi yeMatabeleland ukhathazekile kakhulu ngokubaleka kwabantu laba ngoba belakho ukuthelela abanye iCoronavirus nxa belayo.

please wait

No media source currently available

0:00 0:02:38 0:00

Facebook Forum

XS
SM
MD
LG