amalinks wokungena

Breaking News

Ukusungulwa Kwemali Entsha i$10 Kwehlisa Isisindo Semali, Intengo Ikhuphuke


Bulawayo Cash-Bank queues
Bulawayo Cash-Bank queues

Ukusungulwa kwemali entsha eyisisindo se $10 ngeviki edluleyo kukhanya sokubangele ukugugudeka kwesisindo sedola le Zimbabwe.

Kodwa usibalukhulu webhanga lesizwe, ele Reserve Bank , uMnu. John Mangudya utshele intathelizindaba ukuthi isindo sedola kunye lokungahambi kahle kwezomnotho kubangelwa ngabasebenzisa ubulembu be Internet ukuthumela imali kumbe ukuthenga impahla.

Ingcwethi kwezonotho, uMnu. Anglistone Sibanda uthi lona ilizwe livele selifakwe ebunzimeni yikungethembeki.

Ukungabi lamandla kwedola le Zimbabwe lokhu sokubangele ubunzima obuphindwe kabili kulabo abahlala emaphandleni.

Isakhamuzi sesigaba se Matabeleland South, uMnu. Solani Njemnyama Moyo uthi inengi beliphila ngokuthenga kwele South Africa kodwa ngokuvalwa kwmazwe kulandela ukuqhamuka kwegcikwane le coronavirus sokunzima.

Ingcwethi ecubungula ezomnotho, uMnu. Masimba Kuchera uthi okubangela ukuthi umnotho uye nganxele yikuthi ilizwe alilamafekitali alungisa impahla lokudla.

Kodwa ezinye ingcwethi zithi umnotho uwiswa yimigulugudu esebenza lebhanga leReserve Bank ngoba imali entsha ibonakala emkambo wensitha kuphela emabhanga itholakala nzima.

please wait

No media source currently available

0:00 0:05:10 0:00


XS
SM
MD
LG